عبّارة م اللى بيغرقوا

عبّارة م اللى بيغرقوا..

عبّارة م اللى الناس عليها

طالعين عشان يسترزقوا

عبّارة م اللى بيغرقوا..

عبّارة كل صحابها لازم

يتسجنوا أو يتبندقوا

عبّارة م اللى بيغرقوا..

عبّارة والمسؤول بيوعد

يلحس كلامه ويلعقه

عبّارة م اللى بيغرقوا..

عبّارة من آهة الأرامل

لبانة بيها اتشدقوا

عبّارة م اللى بيغرقوا..

عبّارة وفى ساعة الحساب

كل اللصوص اتفرقوا

عبّارة م اللى بيغرقوا..

عبّارة تكسينا الحداد

وانتوا ببشاشة اتريقوا

عبّارة م اللى بيغرقوا..

هيثم دبور